產後首復工 Kelly掛念蝦餃仔灑淚

[url]http://hk.apple.nextmedia.com/template/apple/art_main.php?iss_id=20090904&amp[/url];sec_id=462&art_id=13171473

剛為人母的陳慧琳（ Kelly）昨日穿上 Gucci貼身套裝，在中環出席美心月餅活動，大會特製三個印有 Kelly、其夫 Alex和兒子劉昇（Chace）英文名字的月餅，她也即場派月餅冧歌迷。訪問中提到 Chace時， Kelly突然因掛住囝囝而落淚，母愛澎湃。

Kelly今年 7月誕下兒子劉昇，直至昨天正式復工，談到湊仔情況，她說：「𠵱家跟住 BB嘅schedule走，每日食奶、換片，隨時要湊佢，都唔會唔慣。記得佢去大（大便），第一次幫佢換片，我隻手都唔小心掂到（大便），估唔到自己冇嘢，反而Alex知道即鍊住個鼻話好臭出房。」

Kelly又稱 Chace目前差不多兩個月大，已認得她的聲音，開始認人。她一臉幸福地說：「換片 Alex讓畀我做，佢就鍾意抱住 BB瞓，𠵱家抱BB越嚟越熟手，但越嚟越重，今日磅佢已經有12磅。𠵱家好用力去抱佢，手臂都硬咗，但未起𦟌。」會否覺得照顧小孩很難？她說：「唔算，佢唔會亂喊，除非肚餓、屙尿。」提到愛兒最可愛的地方，Kelly說：「下巴好得意，好似蝦餃仔，想一啖食落去。同埋抱佢睇住佢瞓，感覺好好。」
正式復工的 Kelly，今天飛新加坡出席剪綵活動，她坦言會掛住囝囝，說：「我已經好唔捨得。」隨即嘴扁扁熱淚盈眶，真情流露哭出來，她說：「去一日咋！日日對住佢咁多個鐘，畀我慢慢適應啦！等我錫到佢塊臉燶晒先走。」
Kelly又指陪月員照顧小孩周到，故決定簽一年約來照顧Chace，她說：「我冇經驗，有陪月員穩陣啲。好似佢手仔咁細，剪指甲我驚佢郁一郁會剪到佢嘅肉。」會否改變心意做全職母親？Kelly即時又眼濕濕欲哭謂：「其實巡迴演唱會已經推晒，排舞好嘥時間。我已經做啲簡單工作，拍戲拍劇唔做住。」
一向貪靚的 Kelly，如今有 121磅，她嚷着要減肥說：「𠵱家身形好似有咗 4個月嘅時候，有日 Alex都話我好似肥咗啲，我猛追問佢又話係睇錯，佢好少咁講，講得都係真。未生之前我只得 112磅，𠵱家仲差 9磅，塊臉腫，上鏡好爆。」
採訪：王連連