周迅VS栢芝　霆鋒新歡舊愛比一比

[img]http://static.apple.nextmedia.com/images/apple-photos/video/20130731/org/1375214536_2ef6.jpg[/img]

昨日傳出謝霆鋒同內地花旦周迅因為睇搖滾騷撻著，不過因為前妻張栢芝一直想復合，霆鋒亦唔想栢芝生醋意，所以低調同周迅交往，不過紙始終包唔住火。

周迅同張栢芝都係好戲之人，兩個都係影后級人馬，不過講到形象同層面廣，雖然周迅年紀比栢芝大，但依然略勝一籌。加上周迅都叫進軍過荷里活，拍過西片《雲圖》，而且喺中港台三地奪獎無數，又係好多時裝名牌寵兒。相反栢芝復出之後，票房失利不特止，仲被人狠批演技浮誇，認真黑仔。

38歲周迅90年代開始拍好多內地電視劇，演技一直已經受到肯定。電影方面，06年憑《如果·愛》橫掃中港台影后，包括香港電影評論學會大獎、亞太影展、香港電影金像獎、香港電影金紫荊獎、台灣金馬獎等。

而張栢芝亦曾經憑《忘不了》奪得香港電影金像獎影后，可惜後來一度息影，復出後演技漸見浮誇，慘成「金話梅」最爛女主角。

來源:蘋果日報網站

take care yourself!!