囝囡fb爸爸「失蹤」　小恩子三母子過英國住

最近黎瑞恩同金利來集團三少曾智明傳出婚變，有指曾智明近年長期喺廣州做嘢，搭上一名22歲嘅內地女子，長期冷待小恩子三母子。

其實小恩子婚變早有跡可尋，早前佢搞慈善演唱會，老公曾智明完全冇現身，小恩子當時做訪問透露：「我已經plan好晒，3年後跟埋對囝囡去英國讀書，自己會搵嘢學，星期一至五佢哋喺寄宿學校，星期六就返屋企，諗起星期六佢兩個見到我會大叫媽咪，之後攬住我都覺得開心。老公本身都忙到不得了，唔得閒理我哋，到時佢鍾意得閒咪過嚟囉。」

據知小恩子曾向老爺奶奶哭訴，而兩老又最痛錫一對孫，聽到新抱話要走，老爺都即時行動將曾智明調返香港。大前日小恩子就高調駕車接一對囝囡返屋企，據知佢暫時唔走只係為咗兩老。

小恩子的細囝曾浩儒同大女曾凱栭嘅fb入面，一張老竇曾智明嘅相都冇，全部都係同媽咪面貼面嘅家庭照，其中凱栭一張相，寧願key工人姐姐入去，同媽咪「三人行」，都冇老竇曾智明份，可想而知曾智明喺囝囡心目中有幾「重要」。

[img]http://static.apple.nextmedia.com/images/apple-photos/video/20140120/org/1390161931_4491.jpg[/img]


來源:蘋果日報網站