梁思浩寸爆阿澤：買棺材唔知碇

梁思浩昨與吳堯堯（仙樂都）等人在汀九出席《怪談6魔女》活動，思浩指今次是全球首個節目以殯儀服務及棺材作禮物，他更笑指中國有名言「買棺材唔知碇」，而近期最有需要贏取這份獎品便是杜汶澤。曾禍從口出被掌摑的思浩，笑言已知碇買棺材很久：「阿澤成日辣人，未必次次過到骨，講笑都要知對方玩唔玩得，我知阿澤玩得先咁講，唔會嬲！」講到阿澤今次是否玩着不玩得的人？思浩靜默片刻才尷尬說：「呢個問題令我好尷尬，我知阿澤、曾志偉同楊千嬅都玩得，有啲人未必會玩得。」
另外，張敬軒昨到新城宣傳音樂會時力撐祖兒：「我同阿祖（祖兒）識咗好多年，第一次見佢咁，佢一向好得體，正如佢所講，今次真係佛都有火。」他覺得阿澤今次玩大了，又信祖兒受傷：「拎佢最介意嘅事嚟講笑，傷得佢好深！」

[img]http://static.apple.nextmedia.com/images/apple-photos/apple/20140402/large/02ec2p6a.jpg[/img]
■思浩昨日拎着迷你棺材，自言「買棺材知碇」。

來源:蘋果日報網站