提前度投降露罅　G.E.M.開騷被托胸

鄧紫棋（G.E.M.）於澳門舉行的三場「G.E.M. X.X.X. LIVE世界巡迴演唱會—澳門站」，前晚圓滿結束。完騷後，G.E.M.換了件tee接受訪問，講到林宥嘉時更忘形走光露bra。
G.E.M.穿上印有「Let what you say be simple"yes" or"no"」的tee接受訪問，似想呼應前度林宥嘉其中一點聲明：「能和平分手是需要好大福氣」，對宥嘉發出的四點聲明，她說：「唔知，只係專心演唱會，廿幾年突然醒晒，忘記過去，努力面前，向着標杆直跑。我努力忘記過去，積極過每一天，忘記得一乾二淨。」問到宥嘉說是否公開戀情需要互相尊重？她語帶相關說：「你問佢同唔知邊個啦！唔關我事。我都冇留意，佢啲嘢徹底唔關我事，我冇興趣講呢個人，外界一路話我喺微博講，連染頭髮都話係影射佢，我心諗救命呀，我活喺自己生活入面，唔好再扯我出嚟放喺佢嘅新聞度。」問她是否暗戀Lupo（來自奧地利音樂總監Lupo Groinig）？她即澄清：「冇呀！佢拍緊拖，我唔搞有女朋友嘅人，冇諗過。」至於緋聞男友，G.E.M.坦言宥嘉是其中之一，為何真拍拖也算緋聞？G.E.M.坦言：「唔可以認。」因為要尊重男方？她忽然俯身向前忘形大笑，不慎走光露出黑bra，笑說：「唔記得，唔好追究，過咗去啦！」是否同意和平分手需要大福氣？她語帶激動說：「我覺得至少單聲。」有否憎恨他，她又變回輕鬆說：「我人生從來冇好似𠵱家咁開心積極。」

[img]http://static.apple.nextmedia.com/images/apple-photos/apple/20140505/large/05ec3p1.jpg[/img]
■G.E.M.前晚在澳門開騷後講林宥嘉，忘形大笑彎身露黑bra。


感激音樂總監Lupo
G.E.M.前晚於台上說：「入行六年，好感激經理人同Lupo，希望大家畀啲掌聲我心目中最重要嘅男人Lupo。佢好似碧咸咁靚仔，有阿G.E.M.佢係功不可沒。長大後事業、情感、經濟同屋企人，都要做成年人去處理，對我好大挑戰，唔係咁適應，唔知點解自己咁多緋聞，有八個，唔知點解Lupo亦係其中一個，我當澄清咗！」
採訪：盧妹
攝影：黃偉雄  

[img]http://static.apple.nextmedia.com/images/apple-photos/apple/20140505/large/05ec3p2.jpg[/img]
■銀色cyber造型的G.E.M.，全程「嗌」歌，騷唱功。

[img]http://static.apple.nextmedia.com/images/apple-photos/apple/20140505/large/05ec3p3.jpg[/img]
■G.E.M.被舞蹈員抬起時，似被對方觸及胸部。

[img]http://static.apple.nextmedia.com/images/apple-photos/apple/20140505/large/05ec3p4.jpg[/img]
■G.E.M.rock完轉熟女打扮，露出玉腿，盡顯柔情一面。


來源:蘋果日報網站