2019-9-16 07:28
vagueidea
軒仔啜爆關智斌：咀慣冇感覺！
東方日報
2019年9月16日 上午5:45
紅館圓夢，關智斌向英皇的兄弟姊妹逐一跪謝，張敬軒在全場起哄下，帶着尷尬神色當眾啜爆Kenny的面珠仔，Kenny笑言不用大驚小怪，因沒有太大感覺。
關智斌（Kenny）一連兩場處男紅館騷《KENNY is BORN 關智斌演唱會》圓滿結束，圈中好友JW與男友、泳兒、鍾舒漫、衛詩雅及陳家樂等捧場。第二晚繼續有容祖兒、古巨基、張敬軒及Twins做嘉賓，眾人以整鬼Kenny為樂，Twins笑言在台下偷睇Kenny換衫，阿Sa再爆阿媽上了年紀的女性好鍾意睇男歌手除衫：「佢好high，仲話一直以為我同Kenny係一對，家長係熱愛幻想，佢話我哋去旅行係同一間房，我想講係因為我同Kenny孤寒咋，迫於無奈一間房。」
有味笑話玩「撞棍」
Twins指Kenny因為要鍛煉，演唱期間少進食，故帶了香蕉及火龍果給他補充體力， 因火龍果是軒仔的別名，阿Sa笑說：「你都好耐冇食。」Kenny神回：「唔好食咁多，滑腸。」令大家捧腹大笑。祖兒一登場亦刻意與Kenny撞咪大講有味笑話：「兩支棍一齊撞吓撞吓，我講咪咋。」Kenny搞笑地道歉求饒。
軒仔出場掀高潮，歌迷不停高叫：「咀佢！」軒仔招架不住，笑說：「有啲嘢唔好玩太盡。」軒仔覺得人生得一知己死而無憾，見大家不斷起哄，他沒好氣笑言：「唔好講乜都叫，對號入座，即係FF（幻想）。」
尾聲時，Kenny忍不住爆喊坦言捨不得，又向嘉賓逐一跪謝，祖兒笑說：「既然你咁開心多謝我哋，逐個錫一啖囉！」基仔率先錫他塊面，祖兒和阿Sa索性跟他蜻蜓點水咀嘴，輪到軒仔時，觀眾起哄，搞到兩人非常尷尬，最終軒仔主動啜他面珠，全場人瘋狂尖叫。
唔使大驚小怪
Kenny在慶功宴上表示被軒仔咀一啖零尷尬：「我成晚都咀咗好多人，我哋太Friend啦，成家人咁，我哋成日都係咁，冇咩大感覺，只係平時唔喺台上錫，大家好似有啲大驚小怪。」他揚言要豪請他們食飯答謝，一萬元一位都在所不計，又坦言有邀前拍檔張致恒來睇騷：「但佢冇嚟，知佢�H心情，佢曾經係我哋家人�H一部分，佢自己都未面對到，我話唔緊要�H，畀啲時間自己，大家隨時歡迎佢。」